సాధారణంగా మగవారు షేవింగ్‌కు ముందు చర్మాన్ని బాగా గీకుతుంటారు. షేవ్ చేసుకోవడం వల్ల చర్మంలోని మృతకణాలు చచ్చిపోవడమే కాక.. ఇతర చర్మ సమస్యలు రాకుండా ఉంటాయి నిజమే. కానీ బరాబరా గీకుతూ.. షేవ్ చేసుకోవడం అస్సలు మంచిది కాదట. అంతేకాదు.. షేవింగ్ చేసుకునే ముందు లైట్ వేట్ క్రీమ్ లేదా లోషన్ రాసుకోవడం కూడా అస్సలు మర్చిపోవద్దని సూచిస్తున్నారు.
షేవింగ్ టూల్స్‌ను ఎప్పటికప్పుడు క్లీన్ చేసుకోవాలి. ఎందుకంటే.. షేవ్ చేసుకున్నప్పుడు వాటిలోకి మురికి, నూనె, చర్మంలోని మృతకణాలు వెళ్తుంటాయి. వీటిని అలాగే ఉంచేయడం వల్ల స్కిన్ ఇన్ఫెక్షన్స్ వచ్చే అవకాశాలు ఉన్నాయి. కాబట్టి షేవింగ్ టూల్స్‌ను ఎప్పటికప్పడు ఆల్కహాల్‌తో క్లీన్ చేసుకోండి.
సన్‌స్క్రీన్ ఆడవారితో పాటు మగవారికి కూడా చాలా ముఖ్యం. చలికాలం అయినప్పటికీ.. ఇది మీ చర్మం డ్యామేజ్ కాకుండా కాపాడుతుంది. సూర్యుడి నుంచి వచ్చే యూవీ రేస్ నుంచి బయట దుమ్ము, ధూళి, పొల్యూషన్ లాంటివి చర్మం లోతుల్లోకి వెళ్లకుండా మీ చర్మానికి రక్షణ పొరలాగా పని చేస్తుంది.
చర్మాన్ని కాపాడుకోవడం కోసం ఖరీదైన స్కిన్ కేర్ ప్రొడక్ట్స్ కొనే బదులు మీ రూంలోకి మంచి హ్యుమిడిఫైర్ (తేమను అందించేది) కొనుక్కువడం మంచిది. ఎందుకంటే మీ చర్మానికి ఇది మంచి మాయిశ్చరైజర్ గా పనిచేసి.. మృదువుగా అందంగా ఉంచుతుంది.
చలిగా ఉంది కదా అని వేడి వేడి నీళ్లతో స్నానం చేయడం అస్సలు మంచిది కాదట. ఇవి చర్మంలోని సహజ నూనెల్ని పోగొడతాయట. నిజానికి ఎప్పుడైనా స్నానానికి గోరువెచ్చటి నీళ్లే మంచివని నిపుణుల సలహా.
మగవాళ్లకి కూడా లిప్ బామ్ చాలా అవసరం. చెప్పాలంటే పెదవులు పగిలి మంట రావడం అనేది ఆడవాళ్లకంటే మగవారిలోనే కాస్త ఎక్కువగా కనిపిస్తుంటుంది. కాబట్టి పెదవులు పొడిబారినప్పుడల్లా దీన్ని రాసుకుంటే మంచిదని చర్మవైద్యులు చెబుతున్నారు.